Ховилон дээж- Судалгааны талбайд малтсан сувагт илэрсэн нүүрсний үе ба давхраасаас түүний шинж чанарыг тодорхойлуулах зорилгоор 5см х 5см х 0,5м ховилоор 286 ш ховилон дээж авсан байна.Ховилон дээжийн урт ба ховилын хэмжээг сонгохдоо нүүрсний үе ба давхраасын сувагт илэрсэн зузаан, литологийн онцлог, шинжилгээнд шаардагдах дээжийн дундаж жин, гялга зэргийг үндэслэн 0,5-1,0 м урттайгаар дундажаар 2-3кг жинтэйгээр авсан.Дээж авахдаа 0,5 м-ээс дээш зузаантай үеүдээс авсан ба нүүрсний үеийн доор байрлах 0,1-0,5 м хүртэл зузаантай хоосон чулуулгуудын үеийг дээжийн интервалд оруулж дээжилсэн бөгөөд 0,5 м-ээс дээш зузаантай үеийг дээжийн интервалд оруулаагүй.1 дээжийн интервалд гялгаараа буюу литологийн төрлөөрөө ялгагдаж буй хэсгүүдийг хооронд хольж дээжлээгүй.