ТӨГСӨЛТИЙН АЖЛЫН АРГАЗҮЙ БИЧИХ ЗААВАРТөгсөгч оюутан нь төгсөлтийн ажлын удирдамжид заасны дагуу төгсөлтийн ажлын аргазүйг бичиж эхэлнэ. Төгсөлтийн ажлын аргазүйг A5-ийн 16 нүүрэнд багтаан бичих бөгөөд дараах бүтэцтэй байна.1)Судалгааны ажлын сэдвийн үндэслэл2)Судлагдсан байдал3)Судалгааны зорилго, зорилт4)Судалгааны таамаглал5)Судалгааны арга, аргазүй6)Судалгаанд обьект, хамрах хүрээ, судалгааны өгөгдөл7)Судалгааны ажлын шинэлэг тал, гарах үр дүнгийн талаарх таамаглал8)Судалгааны ажлын практик ач холбогдол9)Судалгааны ажлын бүтэц, гүйцэтгэх хугацаа10)Ашигласан материалСудалгааны ажлын сэдвийн үндэслэл: Өнөөгийн практик болон онолын түвшинд шийдэл нь хүлээгдэж буй сонирхолтой асуултуудыг олох, улмаар эдгээр асуултаас судалгааны ямар асуудал урган гарч буйг тодорхойлно.Судлагдсан байдал: Судалгааны асуудал харьяалагдах тухайн талбарын судлагдсан байдлыг бүхэлд нь хамрах товч, оновчтой танилцуулгыг онол болон практикийн түвшинд хийнэ. Дэвшүүлж буй асуудал нь онолын болон эмпирик түвшинд хэрхэн судлагдаж шийдвэрлэвэл зохих асуудлаар эрдэмтэд, судлаачид, үйлдвэрлэгчийн хийж гүйцэтгэсэн ажлын өнөөгийн түвшин, тэдгээрийн ололт, амжилт, тулгамдаж байгаа асуудлыг үндэслэлтэйгээр тайлбарлана. Сэдвийн хүрээнд судалгааны ажлын хүрээ, ялгагдах онцлог, гүнзгийрүүлэн судалж шийдвэрлэх асуудлыг тодруулан гаргана. Өөрийн уншиж, судалсан материалуудаас зохих журмын дагуу иш татаж болно. Гэхдээ бусдын ажлаас шууд авч ашиглахыг хориглоно.Онол болон практик түвшинд хийгдсэн судалгааны тоймыг дараах хүснэгтэн хэлбэрээр тоймлон оруулна.№ Судлаачийн болон судалгааны ажлын нэр Он Судалгааны үндэслэл, таамаглал Судалгаанд хэрэглэгд- сэн арга, аргазүй Гол үр дүн1 2 … Судалгааны зорилго, зорилт: Судалгааны асуудлын хүрээнд төгсөлтийн ажлын зорилгыг тодорхойлж, энэхүү зорилгод хүрэхийн тулд ямар зорилтууд дэвшүүлж байгаа талаар сийрүүлнэ.Судалгааны таамаглал: Судалгааны асуудлын шийдлийн хувьд тухайн оюутан ямар байр суурьтай байгаа, мөн өөрийн зүгээс дэвшүүлж буй судалгааны асуудалтай холбоотой таамаглалуудыг логик дэс дараатай тодорхойлж бичих бөгөөд яагаад эдгээр таамаглалыг тавьж байгаа үндэслэлүүдээ дэлгэрэнгүй тайлбарлана. Өөрийн байр суурийг дэмжихийн тулд бусад судалгааны ажлаас эш татах боломжтой.Судалгааны арга, аргазүй: Судалгааны зорилго, зорилтод хүрэхийн тулд эдийн засаг, статистик, эконометрик, математикийн ямар арга, аргазүй ашиглахаа тодорхойлно. Судалгааны ажилд хэрэглэсэн онолын болон туршилт, судалгааны арга зүйгээ тодорхойлон, тоон өгөгдөл нь судалгааны материалуудад нийцтэй эсэх талаар тайлбарлана.Судалгааны обьект, хамрах хүрээ, судалгааны өгөгдөл: Судалгааны ажлын хамрах хүрээг тодорхойлон, тодорхой салбар /байгууллага/-ыг сонгосон байна. Ашиглах материалууд болон тоон өгөгдлүүд нь судалгааны ажлын үндсэн болон шалгуур үзүүлэлт болж чадах ач холбогдол бүхий сүүлийн үеийн /5 жилээс багагүй/ системтэй мэдээллүүд байх шаардлагатай. Үндэслэлтэй, сайн судалгаа хийх нэг үндэс бол маргаангүй бодит тоон өгөгдлөл юм. Иймээс судалгаанд ашиглах тоон өгөгдлийн эх сурвалжийг тодорхойлж сонгох, мөн судалгааны арга, аргазүйд тохируулан ашиглах тоон өгөгдлөө хэрхэн боловсруулах талаар тодорхойлно.Судалгааны ажлын шинэлэг тал, гарах үр дүнгийн талаарх судлаачийн таамаглал: Төгсөлтийн ажлын судалгааны таамаглалын хүрээнд төсөөлөгдөж буй үр дүнгийн талаарх өөрийн байр суурийг тодорхойлж бичнэ.Судалгааны ажлын практик ач холбогдол: Судалгааны ажлын үр дүнг практик үйл ажиллагаанд хэрэглэх боломж нөхцөл, ач холбогдлыг дүгнэн бичнэ.Судалгааны ажлын бүтэц, гүйцэтгэх хугацаа: Судалгааны ажлын бүтцийг бүлэг, дэд бүлэг тус бүрээр задлан харуулах ба бүлэг тус бүрийг гүйцэтгэх хугацааг төлөвлөж гаргана.Ашигласан материалын жагсаалт: Шууд ба шууд бус хэлбэрээр ашигласан материалуудыг (эрдэм шинжилгээний өгүүлэл, судалгааны тайлан, ном, өгөгдлийн эх сурвалж гэх мэт) APA загварын дагуу бичнэ.