Индонез улс нэгдүгээр сард нүүрсний экспортоо хэвийн явуулж магадгүй байна. Тус улсын эрчим хүч үйлдвэрлэгч, Төрийн өмчит хамгийн том компани болох “PLN” 7.5 сая тонн нүүрс нэмэлтээр авахаар болсон байна.Ингэснээр эрчим хүчний хомсдол үүсэхээс бүрэн сэргийлнэ гэж тус компанийн Гүйцэтгэх захирал мэдээлжээ. Мөн нэгдүгээр сард нүүрсний экспортоо бүрэн зогсоох шаардлагагүй гэж үзэж байна. Индонез улс нэгдүгээр сард 40 сая тонн нүүрс экспортолно гэж тооцоолжээ. Харин дотоодын хэрэгцээнд 12 сая тонн нүүрс шаардлагатай байгаа аж.Үүнээс гадна шаардлага хангасан 25 компанийг экспортоо эхлүүлэхийг зөвшөөрсөн байна.