Хөрөг бичих зарчим гэж байвч нэг хүнд цөмийг нь хэрэглэх боломжгүй. Аль ч төрлийн хөрөг бичих зорилго бол сонгож авсан хүнийхээ оюун санаа, дотоод ертөнцийг нээн гаргаж, зан төрхийг шинжих, хэтийн зорилгыг нь зураглах явдал юм. Тэгэхээр теле сэтгүүлч сонирхолтой сэдэв зохиомж бодож олох чухал байдаг. Түүндээ таарсан сайхан дүрс, яриа, дүрээ тодруулахад туслах, хөргийн баатрынхаа зан ааш, мэдлэг чадварыг илэрхийлж чадах сайхан ярилцлага, өөрөөс нь болон найз нөхдөөс нь авах хэрэгтэй байдаг. Теле хөрөгт хүнийг магтахаас хийсэн бүтээсэн зүйлийг нь тод харуулах хэрэгтэй. Сонин хэвлэлд бол хурууны үзүүрт тэмтрэгддэг уран зүмбэр мэт, сонсох, уншихад хэнийч сэтгэлд торж мэдрэгдэж байхаар дүрслэн үзүүлэх хэрэгтэй байдаг бол телевизэд гадна дотор талаас үг дүрс нь хамжиж зэрэг зурдгаараа онцлог юм.