Тус судалгааны ажил нь Монгол Улсын эрчим хүчний сүлжээнд ашиглах 80МВт чадалтай, 200МВт.цагийн багтаамжтай эрчим хүчний хуримтлуурын дизайнаас суралцсан туршлага дээр үндэслэсэн болно.1 Монгол орны хувьд нар, салхины дотоодын арвин их сэргээгдэх эрчим хүчний нөөцтэй хэдий ч нүүрснээс ихээхэн хамааралтай эрчим хүчний салбараа өөрчлөх нь томоохон сорилт болж байна. Эрчим хүчний сүлжээн дэх нийт суурилагдсан хувьсах сэргээгдэх эрчим хүчний чадал нь зохицуулах горимын нөөц болон уян хатан үүсгүүрээр хязгаарлагдаж байна. Нөөцийг ихэвчлэн усан цахилгаан станц эсвэл хийгээр ажилладаг ДЦС-ууд хангадаг ч эдгээр нөөцүүдийн аль нь ч Монголд хүрэлцээтэй байдаггүй . Эрчим хүч хуримтлуулах системийн төсөл нь эдгээр асуудлыг арилгаж хувьсах сэргээгдэх эрчим хүчний чадлыг нэмэгдүүлэх юм .Энэхүү “Танилцуулга” бүлэгт судалгааны ажлын урьдчилан тооцсон үр ашиг, төлөвлөсөн шийдлийг ашиглах боломжит нөхцөл зэргийг тусгасан бөгөөд судалгааны ажлын хязгаарлагдмал байдлыг мөн товч дурдсан болно. Энэхүү судалгаанд Монгол Улсын эрчим хүчний салбарын өнөөгийн байдлын талаар товч мэдээлэл өгч, эрчим хүчний хуримтлуурын систем нь тухайн салбарыг хэрхэн нүүрснээс ангижруулахад хувь нэмрээ оруулах талаар мэдээлэл өгөх болно .