Өмнөх үг
2005 оноос 2007 онд хэвлүүлсэн 3 цуврал ном дахин хэвлэгдлээ.
Цуврал ном бүрт өөрчлөлт хийж зарим ойлголтуудыг нэмж мөн зарим
хэт нуршсан хэсэгүүдийг хассан.
Цуврал номууд танин мэдэхүй, ёс зүй болон гоо зүй гэсэн
гурван сэдэвийг гаргахын тулд хүний ухааны чухал ойлголтуудыг
тайлбарласан.
“Ертөнц Бодол Мэдлэг” номонд хүн ерөөсөө дэлхийг хэрхэн
ойлгож мэдэж дэлхийн ертөнцийн хүн болох тухай бичсэн. Энэ
дэлхийн хэн ч зөвхөн улсынхаа иргэн биш бас дэлхийн иргэн.
Хэн ч бодох чадвартай төрдөг. Гэтэл бодох чадвараа ашиглахгүй
явна гэдэг зөвхөн өөрийн хандлагаараа явахтай адил. Гэтэл хандлага
өөрчлөгдөх ёстой. Ингэж байж шинээр мэдлэг хүлээн авч чадна.
Хэн ч ерөөсөө “би ийм” “угаасаа ийм” биш. Хүн мэдэхгүй байж
байгаад л мэдлэгтэй болно. Хэн ч мэдлэгтэй болох боломжтой.
“Ухаан Ухамсар Эрдэм” номонд хүн хэрхэн нийгэмийн нэг
гишүүн болж нийгэмд хэрхэн биеэ авч явах чухал ойлголтуудыг
нэгтгэн бичсэн. Хүн нийгэмийн гишүүн болж иргэн болоход ёс
суртахуун болон ухамсар шаардлагатай. Үүний тулд бас олон
эрдэмүүдэд суралцана.
Хүн бүр эрдэмтэн болох ёстой. Жишээлбэл цэцэн мэргэн байх
хамгийн дээд эрдэм. Энэ эрдэмийг сурч эзэмшиж чадсан хүнийг
шударга ёсны эрдэмтэй буюу эрдэмтэн хүн гэж нэрлэнэ.
“Санаа Сэтгэл Зохиол” номонд хүн өөрийгөө хэрхэн нээж ямар
санаатай болон ямар сэтгэлийн хөөлгөөнүүд хэрхэн гаргадаг тухай
бичсэн. Хэн ч байсан эморох ёстой.