Франц хэлний: critique dramatique; англи хэлний: theatre criticism; герман хэлний: theaterkritik; испан хэлний: critica teatral.1. Театрт үзүүлж буй жүжиг, үзвэрийн талаар хэвлэл болон олон нийтийн мэдээллийн дуу-дүрст хэрэгслээр дамжуулан санал сэтгэгдлээ шуурхай илэрхийлэх зорилго бүхий сэтгүүл зүйн төрөл зүйл. Шүүмжлэлийн мэдээллийн үүрэг нь сэдэл санаа төрүүлэх, бодитой үнэлгээ өгөх үүргүүдээсээ дутуугүй чухал ач холбогдолтой. Театрын амьдралын өдөр тутмын үйл явдлыг мөшгөж байдгийн хувьд шүүмжлэл нь үзүүштэй жүжгүүдийн талаар мэдээлж, мэргэжлийн хүний, гэхдээ шүүмжлэгчийн өөрийнх нь гоо зүй, үзэл онолын гэхээсээ илүүтэй үзэгч, уншигчдын дийлэнх олонхийн байр суурьт нийцсэн үзэл бодлыг олон нийтэд толилуулдаг.