Зурж байгаа хүн рүү хандсан бол эгоцентризмийг илэрхийлдэг . Толгой дээр зарим нэг зүйлүүд тухайлбал , чих , ам , нүд зурагдсан байж болно . Чих нь мэдээлэлд хандах шууд сонирхлыг тодорхойлох ба өөрийн тухай бусдын үнэлэлтэд ихэд анхаардаг болохыг илэрхийлдэг. Ам ангайсан , дээр нь хэл зурагдсан бол хэт яриа байдлыг , уруулыг тод тодорхой зурсан бол эмзэг илрэлтэйг тодорхойлж болох юм . Харин амаа ангайлгасан ба хэл , уруулыг орхигдуулсан тохиолдолд аливаа зүйлээс амархан болгоомжлох хандлагатай , бусдад үл итгэх байдлыг илэрхийлдэг . Шүдтэй зурагдсан ам нь хэл ярианы хувьд түрэмгий ба энэ нь өөрийгөө хамгаалах хандлагаар илэрдэг байна . Хүүхдүүдийн хувьд ихэнх тохиолдолд ам ангайж зурагдсан байдаг ба энэ нь тэдний эмзэг , түгшүүртэй байдлыг илтгэдэг .