Эрчим хүчний хуримтлуурын системийн янз бүрийн хэрэглээг зөв ажиллуулахын тулд системийн хүчин чадлыг хугацааны хувьд ялгаатай буюу ачааллыг шилжүүлэх, давтамжийг зохицуулах зэрэг хэрэглээгээр нь хуваахыг зөвлөж байна. Эрчим хүчний хуримтлуурын систем нь батарейны чадлыг удирдах системээр хянадаг зэрэгцээ холбогдсон батарейны модулиудаас бүрддэг учраас энэхүү зохицуулалт нь боломжтой байдаг. Жишээ нь, хэрвээ эрчим хүчний хуримтлуурын системийг давтамжийн тохируулгаас илүү ачаалал шилжүүлэхэд анхаарахаар төлөвлөсөн бол эрчим хүчний хуримтлуурын системийн 70%-г ачаалал шилжүүлэхэд, 30%-г давтамж тохируулахад ашиглаж болно .Энэхүү зохицуулалт нь эрчим хүчний хуримтлуурын системийг олон төрлийн хэрэглээнд ашиглах үед аюулгүй байдлыг хангаж өгөх юм. Иймээс батерейны чадлыг удирдах системийн зураг төсөл нь эрчим хүчний хуримтлуурын системийн ажиллагааны аюулгүй байдалд маш чухал юм. Эрчим хүчний хуримтлуурын системийг зохион бүтээгчид батарейны чадлыг удирдах системийн зураг төсөлд онцгойлон анхаарах шаардлагатай бөгөөд ингэснээр систем төрөл бүрийн ашиглалтанд үр дүнтэй зохицож ажиллах болно .