МУБИС-ийн эрдэмтэн багш нар Японы Нагойа Их сургуулийн эрдэмтэн судлаачидтай хамтран “Монгол Танака Бине” оюун ухааны сорилыг нутагшуулсан (боловсруулсан). Монголд анх удаа хүүхдийн оюун ухааны хөгжлийг үнэлж, боловсролын дэмжлэг үзүүлэх албан ёсны зохиогчийн эрхтэй, стандартчилагдсан аргачлалтай болсон. Сорилын даалгавруудыг Монголын нийгэм, хэл соёлын онцлог, Монгол хүүхдийн ахуй зэргийг харгалзан өөрчилж, шинэчлэх ажлыг хийхдээ Япон хэл дээрх сорилын мөн чанарыг хадгалж, сорилын найдварт болон тохироц чанарыг тогтоосон байна. 1 – 12 насны ангиллын 90 даалгавартай.