Маркетингийн дотоод орчны шинжилгээнээс үзэхэд “Хорчин баруун гаран дундад хошуу соёлын аялал жуулчлалын” ХХК нь ажлын ур чадвар сайн ба мэргэшсэн туршлагатай хамт олонтой, “Inbound tourism”-ийн үйлчилгээний туршлагатай, ажилтнуудыг хөгжүүлэх сургалт, уулзалтыг зохион байгуулдаг давуу талуудтай. Харин стратеги, маркетингийн бодогоо сайжруулах, маркетингт зарцуулах төсөв бага, байнгын үйлчлүүлэгч цөөн, хүчтэй өрсөлдөгч, хөрөнгө оруулалт, түнш байгууллагуудын дутагдал зэрэг сул талууд ажиглагдлаа. Монгол улсын болон бүс нутгийн аялал жуулчлалын салбар эрчимтэй хөгжиж байгаа учир аялал жуулчлалын шинэ маршрут боловсруулах, хөрөнгө оруулагч, түнш байгууллагуудыг олж авах шинэ боломжууд байна гэж харж байна.