тооцоолж буй үр өгөөж дээр үндэслэн зөв батарейны технологийг сонгох боломжтой юм. Жишээ нь, их хэмжээний цахилгааныг хуримтлуулан хадгалж чаддаг учраас зарим батарейны технологи нь ачаалал шилжүүлэхэд илүү тохиромжтой байдаг бол агшин зуур өндөр эрчим хүчийг үйлдвэрлэдэг учраас өөр бусад батарейны технологи нь сүлжээг тогтворжуулахад илүү тохиромжтой байдаг. Шинээр гарч ирж буй өрсөлдөөн, батерейны хөгжил дэвшлийн улмаас өнөөгийн юунд төвлөрч өрсөлдөж байгаа нь цаг хугацааны явцад хурдан өөрчлөгдөнө. Өнөөгийн зах зээлд эрчим хүчний сүлжээнд ашиглах эрчим хүчний хуримтлуурын системийн хувьд литиум-ион (Li-ion) батарей нь давамгайлах технологи байгаа бол NaS батарей, редокс урсгалын батарей зэрэг бусад технологиуд зах зээлд мөн амжилттай нэвтэрч байна .Ли-ион батарей нь эрчим хүчний сүлжээнд ашиглах эрчим хүчний хуримтлуурт технологийн болон эдийн засгийн хувьд хамгийн үр өгөөжтэй сонголт хэмээн тооцогдож байна. Туслах үйлчилгээ үзүүлдэг учраас эдгээр батарейг сүлжээний тогвортой байдлыг хангах зорилгоор байнга сонгодог байна .Ли-ион технологийн шинж чанар нь давтамж тохируулах зэрэг хурдан-хариу үйлдэл үзүүлэх хэрэглээнд илүү тохиромжтой ба Ли-ион технологи нь химийн бүрэлдэхүүн хэсгүүдээрээ ялгаатай юм . Тэдгээр бүрэлдэхүүн хэсгүүдэд литий никель манган кобальтын исэл (LiNiMnCoO2 or NMC), литий төмрийн фосфат (LiFePO4 ) болон литий титанат (Li4Ti5O12 or LTO) орно. Литий никель манган кобалтын исэл нь том чадлын эрчим хүчний системд хамгийн их хэрэглэгдддэг химийн элементийн нэг юм. Өөрөөр хэлбэл, литий төмрийн фосфатыг чадлын өндөр нягтшилд зориулан бага өртгөөр худалдан авч болох хэдий ч эрчим хүчний багтаамж бага, өөрийн цэнэг алдалтын түвшин өндөр зэргийн улмаас гол төлөв хязгаарлагдмал хэрэглээнд ашиглагддаг. Литий титанат чадлын нягтшил өндөртэй, тогтвортой ли-ионы бүрэлдэхүүний ачаар ашиглалтын хугацаа урттай байдаг. Гэсэн хэдий ч энэ нь хамгийн бага чадлын нягтшилтай, дундаж өртөг хамгийн өндөр байдаг байна .NaS батарей нь зах зээлд ажиллах хугацаа хамгийн урт, хурдан хариу үйлдэл үзүүлдэг, чадлын нягтшил өндөртэй зэрэг шинж чанартай. Хайлмал давсан төрлийн NaS батарей нь боловсронгуй болсон технологи бөгөөд системийн өртөг ерөнхийдөө буурч байна .Ванадиум исэлдэлтийн батарей (ВРБ), эсвэл ванадиум урсгалын батарей нь систем дэх 2 электродын хоорондох исэлдэлтийн үйлчлэл дээр суурилдаг. Ванадиум исэлдэлтийн батарей (ВРБ)-г шингэн электродыг цэнэглэх-цэнэг гаргах үйлчлэлд ашигладаг. Шингэн электродыг гадна талд нь байрлуулж элементээр дамжуулан шахдаг учраас батарейны цахилгааны чадалд хямд, мөн сайжруулалт хийх боломжтой. Том оврын шингэн агуулах сав нь ванадиум исэлдэлтийн батарей (ВРБ)-г хөдөлгөөнгүй суурин хадгалах хэрэглээгээр хязгаарладаг . Тэдгээр системүүд нь батарейны салбарт харьцангуй шинэ хэдий ч зах зээлд өөрийн байр сууриа бэхжүүлсээр байна. Цайрын бромт (ZnBr) батарей нь ванадиум исэлдэлтийн батарей (ВРБ)-д хэрэглэдэгддэгтэй ижил урсгалын батарейны технологийг ашигладаг.Хэдийгээр ванадиум исэлдэлтийн батарей (ВРБ)-н хариу үзүүлэх хугацаа нь тохируулах нөөц шиг хангалттай хурдан хариу үйлдэл үзүүлдэггүй ч цаашид хийх судалгаа, хөгжүүлэлт энэхүү хязгаарлалтыг бууруулж болох юм .Хүснэгт 5, 6-д үзүүлсэн зарим батарейны технологи нь давтамжит тохируулгад сайн тохирдог бол зарим нь урт хугацааны хадгалалтанд илүү сайн тохирдог байна. Тэдгээр ялгаанууд нь зардлын бүтэц өөр өөр байхад нөлөөлдөг.