Зураг дүрслэлд хурц тод хэллэг, өнгө будгийг зохицол гэж бас бий. Магтаал сайшаалыг хэтрүүлж өнгө аясыг алдагдуулж болдоггүй. Үнэн байдлыг хэтрүүлбэл хөргийн эзнийг эвгүй байдалд оруулж ичээдэг гэж туршлагатай сэтгүүлч бичсэн байдаг. Теле хөрөг бол бие хүн өөрийн дүрээрээ харагдаж, ярьж, олны хараанд ил байдгаараа бусдаас онцлогтой байдаг. Теле сэтгүүлч баатрынхаа дотоод сэтгэл, хүсэл мөрөөдөл, хэнд ч хэлдэггүй тэр далдхан ертөнцийг өөртэй нь хамжин зурдаг теле хөрөг бүтээнэ гэдэг бол хүнийг гадна дотногүй үг дүрсээр зурна гэсэн үг. Теле хөрөгт анхаарах нэг чухал зүйл бол бие эрхтэний согог, эмзэг хөндүүр талаас нь дэлгэцнээ харуулахыг чанд хориглодог.