Сэдвийг сонгосон үндэслэл: Хөрөг нэвтрүүлэг нь дотроо сурвалжлага, нийтлэл, ярилцлага зэрэг олон төрөл жанрыг багтаадгаараа бусад төрлөөс ялгаатай. Миний сэдэв энэ төрөлд илүү тохирох учраас би хөрөг нэвтрүүлгийг сонгон авсан юм. Хөрөг нэвтрүүлэг нь гол баатрын туулж өнгөрүүлсэн амьдрал, туршлага, түүний зан төлөв хийгээд дотоод зан чанарыг төлөөлөхүйц онцлогийг тодруулан, дүрслэн үзүүлдгээрээ онцлогтой. Хөргийн баатар нь үзэгчдэд сургамж, дуурайл болохуйц амьдралын замнал туршлагатай хүн байх нь зүй юм.