Хөрөг нэвтрүүлгийг хийхдээ баатрыг сонгох нь маш чухал. Энэ нь өвөрмөц бөгөөд нарийн төвөгтэй ажил. Хүнийг нээх сэтгүүлчийн хөдөлмөр ч мэдээллийн хэрэгслээс шалтгаалан өөр өөр байх нь тодорхой. Сонинд бол сайн судалж, тухтайхан асууж, лавлаж, орчин ахуйг нь уул, устай нь зураглан бичих. Радиод оролцогч нь дуугүй суугаад, асууж, арайхийн ганц нэг үг унагадаг хүн тохиромжгүй. Телевизэд ярьж, сэтгэл нээх чадварын зэрэгцээ үзэгчдэд гаднах байдлаараа нүдэнд дулаахан харагдах, үг бүр нь хүнд хэрэгтэй байх ёстой. Хөрөг нэвтрүүлгийн дүрийг дан ганц баримтаас гаргах нь учир дутагдалтай, нэлээд хөдөлмөр шаарддаг.