Модтой холбоотой шутлэгийн төсөөлөлд сондгой ургасан өнчин ганц мод, мөн онцгойрч ургасан хэсэг бөөндүү мод, булаг усны эхэнд ургасан болон хуурайшиж өгөршсөн мод, онцгой тунгалаг устай горхи булаг, тэрчлэн бур эртнээс нааш тахилгатай явсан уул, ус бухий газрын модонд гар хүрч хөндөхийг хатуу хориглон, ийм моднуудад ихэвчлэн тусгай эзэд орогнодог хэмээн төсөөлдөг ажээ. Ялангуяа сондгой ургасан ганц модны доор суух, ойрхон явж өнгөрөх зэргээс ихэд цээрлэдэг, ийм модонд муу юм орогнон дуу гаргадаг гэж үздэг байжээ. Мөн өгөршиж гандсан модонд огт гар хүрдэггүй заншилтай. Говь нутагт бас л бусдаас онцгой ургасан ганц бутны ёроолд суух, хэвтэхийг ихэд болгоомжилдог.