Байгаль дэлхийг шүтэж бишрэх нөгөө нэг өвөрмөц хэлбэр нь элдэв мод ургамалтай холбогдолтой шүтлэг, бэлгэдэл зүйн төсөөлөл юм. Монголчуудын дунд янз бүрийн, мод ургамлыг далдын ид шидтэйд ТООЦОЖ, ЭЗЭД ОНГОДТОЙ болгож үзэхийн хамт хун, малд тохиох муу юм, садаа тотгорыг зайлуулах, өвчин эмгэгээс хамгаалах сахиус хэлбэрээр зүүж хэрэглэх ёс элбэг байв. Мөн элдэв мод ургамал хугалж огтлохыг цээрлэх, аль нэг золгуй явдлын учир шалтгааныг цээр хориотой мод ургамалтай холбон ойлгодог ч байжээ. Шүтэж эрхэмлэх мод ургамал нутаг нутгийн байдлаар арай ялгаатай, говийн бус нутгийн халхчууд заг, сухай, яргай, арц, хайлаас зэргийг илүүд узэж байхад хангай нутгийнхан хус тэргуутнийг онцгой эрхэмлэдэг байсан жишээтэй.