Үл тохиролд орсон зөвлөмжүүд нь зайлшгүй хэрэгжүүлэх шаардлагатай бөгөөд химийн хортой болон аюултай бодис буюу шатах, тослох материалын ашиглалт, хадгалалттай хамааралтай өөрийн дотоод журмыг боловсруулж орон нутгийн байгаль орчны хяналтын улсын байцаагч болон эрүүл ахуйн хяналтын улсын байцаагчаар хянуулж мөрдөх ажлыг хийгээгүй байна. Мөн өөрийн үйл ажиллагаанд ашиглахаар татсан 13,8 км урт цахилгаан дамжуулах агаарын шугамд шувуу үргээгч суурилуулаагүй байгаа нь амьтны аймагт учруулах сөрөг нөлөөллийг бууруулах, арилгах арга хэмжээг авч хэрэгжүүлээгүй байгаа гэсэн үг юм. Засвар үйлчилгээний талбайг хатуу хучилттай болгох зөвлөмж өгөгдсөн байхад энэ тал дээр ямар арга хэмжээг хэзээ авч хэрэгжүүлэх талаар одоо болтол дорвитой шийдвэр гаргаагүй байгаа нь төслийн зүгээс хөрсний чанар болон агаарын чанарт үзүүлэх сөрөг нөлөөллийг бууруулах, арилгах арга хэмжээг хэрэгжүүлэх сонирхолгүй байгаа мэтээр ойлгогдож байгаа тул 2022 оноос үйл ажиллагааг эхлүүлэхээс өмнө тухайн арга хэмжээг авч хэрэгжүүлэх шаардлагатай гэж үзэж байна.