Хөрөг найруулал бичихдээ тухайн хүний сайхныг олж харах, бүрэн танихыг эрмэлзэх нь чухал. Хүний сайхан нь царайны сайхан, биеийн сайхан, сэтгэлийн сайхан, араншингийн сайхан, мөн харилцааны сайхнаар илэрдэг. Хүний нүдийг сэтгэлийн толь гэлцдэг. Зураачид хүний гарыг хоёр дахь нүд гэлцдэг. Хүний араншин дохио зангаа, гарын хөдөлгөөнөөр илрэх нь олонтаа. Үүнийг телевизийн уран бүтээлчид чадварлагаар ашиглах хэрэгтэй.